salam...

hari nie kojo macam biaso..(mcm2 hal..sumo problem..sumo nak copek..)layan kan jow...
lopeh kojo den nengok bola ngan kawan2...bob ado..ayoy ado..ekin ado..aida ado...din pun ado...layan ar..korea lawan argentina (kalau tak silap den ar..)..tapi yg tak syok eh..team den sokong tue kalah....4-1..toruk botul...den sokong mano??lau nak tau..carik sendiri lah oi!!!

lopeh nengok bola..balik opis balik..main DOTA..layan.....lamo gak ar tak lepak ngan dio org nie..slalu 2 awal jo balik..rutin arian den...di sobabkan den "bujang" minggu nie...so boleh ar melepak...

tongah2 sodap berporang...member yg den anggap sedaro..call den..lau nak kona sapo..sopi namo eh..den konal dio nie sojak umur den 7 tahun..sekarang den dah 25 tahun..haaaa..korang kiro ar lamo eh..
dio tipon nak ngadu nasib...pasal apo?..pasal cinto yg dh lamo berputik, tp tak monjadi...erm..sian den nengok eh..berpatah arang sungguh dio...lamo bercinto..tp putus sobab org ko-3..takpolah..den hikmah eh 2 sopi..sabarlah..ekau pun bukan calang2 org...engineer..bukan cacai pengangkut najis!!!ado org yg lobih baguih dari yg ekau kojarkan nie...org dh tknk..biarlah..jgn jatuhkan martabat ekau..

lagi 1 berito yg den dapek..dio nie kawan baik den dulu..bojanji setio di bawah pokok manggo umah eh...ngaku adik beradik...tapi..botunang pun tk nyampaikan kek kawan2!!!!tak guno...hampeh...sakit ati den..mondidih..menggelogak...sasd@!@!$#$#$...
tapi papo pun..den ucapkan tahniah..mugo2 ke jinjang pelamin..(sapo dio?tak payah ar den kobakan kek cn..)

sekarang..den dapek berito yg lobih dasyat...adoi hai...apo kono ar nie...den dh tk sonang duduk ar nie...paneh raso eh..hope bondo yg den pikirkan nie tak monjadi..kalau jadi..adoi hai..nayo badan...nayo...mampuih den..

kito tunggu ar sampai minggu dopan..lau takdo gak..den pun tak tau lagi nak buek apo dah..

kito tunggu dan lihat..

*nak carik kawan memang sonang...tapi adokah kawan tue sanggup boduko dengan kito?
fikir2kanlah....

wslm...